На Свети првомаченик и Архиѓракон Стефан во Истибања – Виница
На 09.01.2023 година, кога Светата Православна Црква го празнува споменот на Светиот Првомаченик и Архиѓакон Стефан, Неговото Високопреосвештенство Митрополитот Брегалнички господин Иларион, во сослужение на свештенослужители од Брегалничката Епархија, отслужи Света Архиерејска Литургија во храмот “Св. Првомаченик и Архиѓакон Стефан ” во с. Истибања – Виница. На крајот од Литургијата верниот народ се причести со Телото и Крвта Христова, беше прочитано Божикното послание од Архиепископот Охридски и Македонски г.г. Стефан, а Митрополитот г. Иларион го благослови и пресече празничниот леб и го поздрави многубројниот верен народ со поздравот ХРИСТОС СЕ РОДИ! НАВИСТИНА СЕ РОДИ!