Чествување на патронатот на МПБ „Св. Климент Охридски“ – Скопје
На 06.12.2022 год. започна прославата на патрониот празник на Македонската Православна Богословија „Свети Климент Охридски“ во Скопје. По тој повод беше отслужена Вечерна богослужба во храмот “св.Спас” во н.Драчево – Скопје. На Вечерната богослужба присуствуваа Неговото Блаженство Архиепископот Охридски и Македонски г.г. Стефан, Неговото Високопреосвештенство Митрополитот Брегалнички г. Иларион, ректорот на богословијата Митрополитот Повардарски г. Агатангел, Митрополитот Тетовско-гостиварски г.Јосиф, Епископот Стобиски г. Јаков и Митрополитот Кумановско-осоговски г. Григориј, кој чиноначалствуваше на Вечерната богослужба. По Вечерната богослужба, Митрополитот Тетовско-гостиварски г. Јосиф во параклисот “Св. Климент Охридски” при Македонската Православна Богословијата, го благослови и пресече празничниот леб и се одржа свечена академија. На крајот пред присутните се обрати и ректорот Митрополитот Повардарски г. Агатангел.