На 22 ноември 2026 година, Недела 25-та по Педесетница, св. Нектариј Егински, преп. Матрона, преп. Јован; Неговото Високопреосвештенство Митрополитот Брегалнички господин Иларион отслужи Света Архиерејска Литургија во храмот посветен на “Светиот Иларион Мегленски и Светиот Нектариј Егински” во нас. Железничка, Штип. На крајот од Божествената Литургија, Митрополитот г. Иларион одржа пригодна беседа и отслужи акатист кон светиот Нектариј Егински, пред неговата света икона насликана од монахињите при манастирот во Егина, просејќи ги неговите молитви и застапништво пред Семилостивиот Бог. По акатистот Митрополитот г. Иларион изврши мал водосвет и го благослови и пресече празничниот леб.









































