Света Архиерејска Литургија во Крива Паланка
На 08 ноември 2025 година, кога се прославува споменот на светиот великомаченик Димитриј Мироточив, Солунски; Неговото Високопреосвештенство Митрополитот Брегалнички господин Иларион во сослужение на Надлежниот епархиски Архиереј, Неговото Високопреосвештенство Митрополитот Кумановско-осоговски г. Григориј, Неговото Високопреосвештенство Митрополитот г. Јосиф и свештенослужители од Кумановско-осоговската епархија, отслужија Света Архиерејска Литургија во храмот посветен на “Св. Вмч. Димитриј” во Крива Паланка. На Божествената Литургија чиноначалствуваше Митрополитот Брегалнички г. Иларион, а Митрополитот г. Григориј произнесе пригодна беседа. На крајот од Литургијата, Митрополитот г. Иларион доби на поклон панагија од Митрополитот г. Григориј и за истата се заблагодари.