Ракополагање и востоличување на новиот Митрополит Дебарско-кичевски г. Георгиј
На 13 јули 2025 година, денот кога го прославуваме Соборот на светите 12 апостоли – Павловден, во Катедралниот храм на Охридските Архиепископи „Света Софија“ во Охрид, на Светата Литургија, на која чиноначалствуваше Неговото Блаженство, Архиепископот Охридски и Македонски г.г. Стефан во сослужение со Нивните Високипреосвештенства, Митрополитите: Преспанско-пелагониски г. Петар, Струмички г. Наум, Крушевско-демирхисарски г. Јован, Европски г. Пимен, Брегалнички г. Иларион, Тетовско-гостиварски г. Јосиф, Кумановско-осоговски г. Григориј; со Нивните Преосвештенства, Епископите: Дељадровско-илинденски г. Јоаким и Делчевско-каменички г. Марко; и во молитвено присуство на сите викарни Епископи на нашата Света Црква, како и на многубројно свештенство од Македонската Православна Црква и од сестринските Православни Цркви – беше ракоположен новоизбраниот Митрополит Дебарско-кичевски г. Георгиј (Ѓорѓевски). По завршувањето на Божествената Литургија, Неоговото Блаженство, Архиепископот Охридски и Македонски г.г. Стефан, новоракоположениот Митрополит Дебарско-кичевски г. Георгиј, го воведе на тронот на архијерејите на Дебарско-кичевската епархија.Нека му е честито и благословено на новиот Митрополит, а неговиот подвиг на нивата Господова нека биде плоден и достоен!Достоен! Достоен! Достоен!