Сослужување во Црногорско-приморската Митрополија, СПЦ
Во деновите 30 и 31 Октомври 2024 година, Неговото Високопреосвештенство Митрополитот Брегалнички господин Иларион, на покана од Митрополитот Црногорско-приморски г. Јоаникиј, присуствуваше на прославата по повод празникот на Светиот Петар Цетињски Чудотворец, патрон на Црногорско-приморската Митрополија, и четиригодишнината од упокојувањето на блаженоупокоениот Митрополит Амфилохиј. Митрополитот Брегалнички г. Иларион сослужуваше на Светата Заупокоена Архиерејска Литургија, на 30 Октомври, отслужена во Соборниот храм “Воскресение Христово” во Подгорица, по која беше извршен и помен на гробот на блаженоупокоениот Митрополит Амфилохиј, а сослужуваше и на 31 Октомври на Светата Архиерејска Литургија отслужена во манастирот “Св. Петар Цетињски” во Цетиње, а сослужуваа повеќе Архиереи и свештенослужители на СПЦ и МПЦ-ОА во присуство на многуброен верен народ.

