На Вознесение Христово – Спасовден во с. Горобинци, Светиниколско
На 13.06.2024 година, 40 дена после Велигден, кога се прославува големиот христијански празник Вознесение Христово – Спасовден, Неговото Високопреосвештенство Митрополитот Брегалнички господин Иларион отслужи Света Архиерејска Литургија во сослужение на свештенослужители од Штипското Архиерејско Намесништво, во храмот “Вознесение Христово” во с. Горобинци, Светиниколско. На крајот од Божествената Литургија, Митрополитот г. Иларион одржа пригодна беседа, изврши мал водосвет и го благослови и пресече празничниот леб.

