Недела Сиропусна – Прочка во Соборниот храм “Св. Николај” во Штип
На 17.03.2024 година, Недела Сиропусна – Прочка, Неговото Високопреосвештенство Митрополитот Брегалнички господин Иларион отслужи Света Архиерејска Литургија, во сослужение на свештенослужители од Брегалничката епархија, во Соборниот храм “Св. Николај” во Штип. На крајот од Литургијата, Митрополитот г. Иларион, одржа содржајна беседа, а потоа Митрополитот ја прочита молитвата за почеток на Великиот пост. По завршувањето на Светата Литургија, се отслужи и Великопосна Вечерна Богослужба. На крајот од вечерната богослужба, се изврши чинот на заедничко опростување, каде што најнапред Митрополитот побара прошка од своите духовни чеда, а потоа многубројниот верен народ пристапи, побара и доби, прошка од својот Надлежен Архиереј. По завршувањето на богослуженијата Митрополитот г. Иларион ја освети и крстилницата при Соборниот храм “Св. Николај” во Штип. Благословени и Богоугодни пости.

