Торжествено прославен празникот на светиот Гаврил Епископ Велички, Светогорец во Лесновскиот Манастир
На 28.05.2023 година, Недела 7-ма на Воскресение (на св. Отци од I В.С.), св. Гаврил Епископ Велички, св. Ахил Преспански, преп. Пахомиј Велики; Неговото Високопреосвештенство Митрополитот Брегалнички господин Иларион во сослужение на Неговото Високопреосвештенство Архиепископот Михаловско – кошицки г. Георгиј од Православната Црква на Чешките земји и Словачка, Неговото Високопреосвештенство Митрополитот Преспанско – пелагониски г. Петар и свештенослужители од Македонската Православна Црква – Охридска Архиепископија и од Православната Црква на Чешките земји и Словачка, отслужија Света Архиерејска Литургија во манастирот “Св. Гаврил Лесновски” во Лесново. Неговото Високопресвештенство г. Георгиј одржа содржајна беседа, а на крајот од Божествената Литургија, Архиереите го благословија и пресекоа празничниот леб.