Прослава на патронот на МПБ „Св. Климент Охридски“ – Скопје
На 06 декември 2025 год. започна прославата на патрониот празник на Македонската Православна Богословија „Свети Климент Охридски“ во Скопје. По тој повод беше отслужена Вечерна богослужба во параклисот “Св. Климент Охридски” при МПБ во н.Драчево – Скопје. На Вечерната богослужба присуствуваа Неговото Блаженство Архиепископот Охридски и Македонски г.г. Стефан, Неговото Високопреосвештенство Митрополитот Брегалнички г. Иларион, ректорот на богословијата Митрополитот Повардарски г. Агатангел, Митрополитот Тетовско-гостиварски г.Јосиф, Митрополитот Кумановско-осоговски г. Григориј и Митрополитот Дебарско-кичевски г. Георгиј. На Вечерната богослужба чиноначалствуваше Митрополитот Кумановско-осоговски г. Григориј. По Вечерната богослужба, Митрополитот Брегалнички г. Иларион, го благослови и пресече празничниот леб и се одржа свечена академија.