Осветување на храмот “Св. вмч. Георгиј” во с. Блатец, виничко
На 26 октомври 2025 година, Недела 20-та по Педесетница, св. нмч-чка Злата Мегленска, св. мч-ци Карп и Папила; Неговото Високопреосвештенство Митрополитот Брегалнички господин Иларион го освети храмот посветен на “Св. вмч. Георгиј” во с. Блатец, виничко, и отслужи Света Архиерејска Литургија, во сослужение на свештенослужители од Брегалничката Епархија. На крајот од Светата Литургија, Митрополитот г. Иларион одржа пригодна беседа и го одликуваше г. Тодор Голубов од с. Блатец со орден “Св. Николај” поради сесрдното залагање и помагање во изградбата на храмот, а потоа го благослови и пресече празничниот леб. Нека е честито и од Бога благословено!