Света Архиерејска Литургија во градот Кратово
На 24.02.2024 година, кога Светата Православна Црква го празнува споменот на Светиот Новомаченик Георгиј Кратовски, Неговото Високопреосвештенство Митрополитот Брегалнички господин Иларион сослужуваше на Светата Архиерејска Литургија, на која чиноначалствуваше Неговото Високопреосвештенство Митрополитот Доростолски г. Јаков од БПЦ, а сослужуваа и Надлежниот Епархиски Архиереј, Митрополитот Кумановско – осоговски г. Григориј, Митрополитот г. Јосиф и Епископот Велички г. Никола, во храмот “Св. Георгиј Кратовски” во Кратово. Пред почетокот на Светата Литургија, Митрополитот Доростолски г. Јаков, донесе дел од моштите на Светиот Георгиј Кратовски, а Архиереите и верниот народ се поклонија на светите мошти. По завршувањето на Божествената Литургија, се изврши Литија до Плоштадот во градот Кратово, каде што Архиереите извршија мал водосвет и го благословија и пресекоа празничниот леб.

