Осветување на храмот “Св. цар Константин и царица Елена” во о. Илинден, Скопје
На 29.10.2023 година, Недела 21-ва по Педесетница; преп. мч. Лонгин Антиохиски, преп. Лонгин Печерски; Неговото Високопреосвештенство Митрополитот Брегалнички господин Иларион сослужуваше на осветувањето на новоизградениот храм посветен на “Св. цар Константин и царица Елена” во о. Илинден, Скопје. На чинот осветување, чиноначалствуваше Неговото Блаженство Архиепископот Охридски и Македонски г.г. Стефан, а сослужуваше и Неговото Преосвештенство Епископот Дељадровско-илинденски г. Јоаким. По осветувањето на храмот беше отслужена Божествена Архиерејска Литургија во присуство на многуброен верен народ.